കാഞ്ഞിരപ്പള്ളി
ഗ്രാമ പഞ്ചായത്ത്

കാഞ്ഞിരപ്പള്ളി ഗ്രാമപഞ്ചായത്തിന് കീഴിലുള്ള സഹൃദയ വായനശാലയുടെ നേതൃത്വത്തിൽ സ്കൂൾ കുട്ടികൾക്കായി നാല് ദിവസങ്ങളിൽ പഞ്ചായത്ത് കോൺഫറൻസ് ഹാളിൽ നടത്തപ്പെടുന്ന  വായനക്കളരിയുടെ ഔപചാരികമായ ഉദ്ഘാടന കർമ്മം കാഞ്ഞിരപ്പള്ളി ബ്ലോക്ക്‌ പഞ്ചായത്ത്‌ പ്രസിഡന്റ്‌ അഡ്വ. പി എ ഷമീർ നിർവഹിച്ചു.ആദ്യ ദിവസമായ ഇന്ന് ചങ്ങനാശ്ശേരി എസ് ബി കോളേജിലെ മലയാളം വിഭാഗം HOD പ്രൊഫ. ഡോ.ബിൻസ് എം മാത്യു "എഴുത്തും ജീവിതവും" എന്ന വിഷയത്തെ പറ്റിയും സംസ്ഥാന ദേശീയ അധ്യാപക അവാർഡ് ജേതാവും കാളകെട്ടി A M HSS ലെ റിട്ട.പ്രിൻസിപ്പളുമായ ആൻസമ്മ ടീച്ചർ ഒ.എൻ.വി കുറുപ്പിന്റെ "ഭൂമിക്ക് ഒരു ചരമഗീതം " മുട്ടത്ത് വർക്കിയുടെ "ഒരു കുടയും കുഞ്ഞി പെങ്ങളും " എന്നീ പുസ്തകങ്ങൾ കുട്ടികളെ പരിചയപ്പെടുത്തുകയും ചെയ്തു.പ്രസ്തുത യോഗത്തിൽ ഗ്രാമ പഞ്ചായത്ത് വൈസ് പ്രസിഡൻ്റ് സുനിൽ തേനംമാക്കൽ മെമ്പർമാരായ  മനോജ് ജോസഫ്, കൊച്ചുറാണി, രഞ്ജുമോൾ സന്തോഷ്,സബിത തോമസ്, ജോയി മുണ്ടാമ്പള്ളി, ചാക്കോച്ചൻ ചുമപ്പുങ്കൽ , സയന ഷാമോൻ, സജിൻ വട്ടപ്പള്ളി, കെ.എ.സുറുമി ,ജാസ്മിൻ ബിനോയി,മഞ്ജു മാത്യു, കെ.സി.അജി , ബിജോമോൾ,ലൈബ്രറേറിയൻ മോഹൻ സബീന,താലൂക്ക് ലൈബ്രറി കൗൺസിൽ വൈസ് പ്രസിഡൻ്റ് ടി.വി ഹർഷകുമാർ,എം സോമനാഥൻ,ലിൻസി ജോസ് എന്നിവർ പങ്കെടുത്തു.